PAMPADY

ഖാദര്‍ കമ്മീഷന്‍ റിപ്പോര്‍ട്ട് തള്ളിക്കളയണമെന്നാവശ്യപ്പെട്ട് ഹയര്‍ സെക്കണ്ടറി അധ്യാപകര്‍ കോട്ടയം ഗാന്ധി സ്ക്വയറിന് സമീപം സായാഹ്ന ധര്‍ണ്ണനടത്തി. തിരുവഞ്ചൂര്‍ രാധാകൃഷ്ണന്‍ എം.എല്‍.എ ഉദ്ഘാടനം ചെയ്തു

കോട്ടയം ശാസ്ത്രി റോഡിലെ ഓട നവീകരണം വീണ്ടും മുടങ്ങി. നഗരത്തിലെ പ്രധാന ഓട കടന്നുപോവുന്നിടത്ത് കഴിഞ്ഞ മഴക്കാലത്ത് തടസ്സം നേരിട്ടതിനെ തുടര്‍ന്ന് സ്ഥലത്തെ വ്യാപാരികള്‍ കോടതിയെ സമീപിച്ചിരുന്നു. പിന്നീട് നഗരസഭ ശുചീകരണ പ്രവര്‍ത്തനങ്ങള്‍ പുനരാരംഭിച്ചിരുന്നെങ്കിലും അതും ഇപ്പോള്‍ പാതിവഴിയില്‍ മുടങ്ങി.

കോത്തല ഇളങ്കാവ് ഭഗവതി ക്ഷേത്രത്തിലെ തിരുവുത്സവം ആറാട്ടോടെ സമാപിച്ചു. ആറാട്ട് എഴുന്നളളിപ്പിലും, ആറാട്ടിലും നിരവധി ഭക്തര്‍ പങ്കെടുത്തു.

കോട്ടയം മണ്ഡലത്തിലെ വികസന പദ്ധതികള്‍ പലതും മുടങ്ങിയത് സര്‍ക്കാര്‍ പണം ലഭ്യമാക്കാത്തതു മൂലമെന്ന് തിരുവഞ്ചൂര്‍ രാധാകൃഷ്ണന്‍ എം.എല്‍.എ. ആകാശ നടപ്പാത, ഈരയില്‍കടവ് ബൈപ്പാസ്, കോടിമതപാലം, തുടങ്ങിയവയുടെ എല്ലാം പൂര്‍ത്തീകരണത്തിന് സര്‍ക്കാരിന്റെ ഭാഗത്തു നിന്നുളള വിവേചനം അവസാനിപ്പിച്ച് പണം യഥാസമയം ലഭ്യമാക്കേണ്ടതുണ്ട്. ആകാശനടപ്പാതയുടെ മുകളില്‍ ഗാന്ധിമണ്ഡപം നിര്‍മ്മിക്കുമെന്നും തിരുവഞ്ചൂര്‍ രാധാകൃഷ്ണന്‍ എം.എല്‍.എ അറിയിച്ചു.

ഭരണകൂട ഭീകരതയ്ക്കും, പോലീസ് രാജിനുമെതിരെ എന്‍.ഡി.എ ജില്ലാ കമ്മിറ്റിയുടെ നേതൃത്വത്തില്‍ കോട്ടയത്ത് ഏകദിന ഉപവാസ സമരം നടത്തി. എന്‍.ഡി.എ ദേശീയ സമിതിയംഗം പി.സി.തോമസ് ഉപവാസ സമരത്തിന് നേതൃത്വം നല്കി. ബി.ജെ.പി സംസ്ഥാന ഉപാധ്യക്ഷന്‍ അഡ്വ.രാമന്‍ നായര്‍ ഉപവാസം ഉദ്ഘാടനം ചെയ്തു. ശബരിമല വിഷയത്തിലുളള സമരങ്ങളുടെ പേരില്‍ ബി.ജെ.പി-എന്‍.ഡി.എ നേതാക്കളുടെയും പ്രവര്‍ത്തകരുടെയും വീടുകളില്‍ പോലീസ് തേര്‍വാഴ്ചയാണ് നടക്കുന്നതെന്ന് അദ്ദേഹം പറഞ്ഞു.

കോട്ടയം ജില്ലാതല പട്ടയമേള ബസേലിയസ് കോളജ് ഗ്രൗണ്ടില്‍ നടന്നു. റവന്യൂ വകുപ്പ് മന്ത്രി ഇ.ചന്ദ്രശേഖരന്‍ 139 പേര്‍ക്ക് യോഗത്തില്‍ പട്ടയം വിതരണം ചെയ്തു. സര്‍ക്കാര്‍ അഞ്ച് വര്‍ഷം പൂര്‍ത്തിയാക്കുമ്പോള്‍, മുഴുവന്‍ ആളുകള്‍ക്കും പട്ടയം നല്കുമെന്ന് മന്ത്രി അറിയിച്ചു.

കോട്ടയം അയ്മനം യുപിസ്കൂളില്‍ സംഘടിപ്പിച്ച എക്‌സിബിഷന്‍ ശ്രദ്ധേയമായി. അധ്യാപകരും കുട്ടികളും ചേര്‍ന്ന് സംഘടിപ്പിച്ച എക്‌സിബിഷന്‍ പഴയകാലവസ്തുക്കളും വിവിധ ശാസ്ത്ര പരീക്ഷണ പ്രദര്‍ശനങ്ങളും ഒരുങ്ങിയിരുന്നു. കുട്ടികള്‍ തന്നെ സംഘടിപ്പിച്ച് കൊണ്ടുവന്ന പഴയവസ്തുക്കളാണ് മേളയില്‍ ശ്രദ്ധേയമായത്.

പീരുമേട് ഉപജില്ലാ സ്കൂള്‍ കലോത്സവം പെരുവന്താനത്ത് നടന്നു. 29 സ്കൂളുകളില്‍ നിന്നായി ആയിരത്തിലധികം വിദ്യാര്‍ത്ഥികള്‍ മാറ്റുരച്ചു.

Cabnet Programme കര്‍ഷകദീപം എപ്പിസോഡ് 10  

RIDEnDRIVE TOYOTA YARIS CVT AUTOMATIC first review in malayalam..